İstifadə Siyasəti və Şərtləri

Son yenilənmə tarixi : [01.07.2025]

Zəhmət olmasa, bu istifadəçi şərtlərini diqqətlə oxuyun. Siz bu tətbiqdən istifadə etməklə bu şərtlərlə razı olduğunuzu bildirmiş olursunuz.

1. Xidmətin Təsviri

Sirab tətbiqi istifadəçilərə müxtəlif qablaşdırılmalarda içməli su sifariş etmək və onu qeyd olunan ünvana çatdırmaq imkanı təqdim edir.

2. Qeydiyyat və Hesab

• Tətbiqdən istifadə üçün istifadəçi hesabı yaratmaq tələb olunur.
• İstifadəçi təqdim etdiyi məlumatların doğru və aktual olduğuna cavabdehdir.
• Çatdırılmanın mümkün olması üçün yaşayış yaxud çalışma ünvanı təqdim olunmalıdır. Şirkət müvəqqəti qurulmuş çadır, qoşqulu vaqon tipli evlər, dəniz kənarında müvəqqəti icarəyə götürülmüş kottec və bu qəbildən olan digər ünvanlara məhsul çatdırılmasından imtina edə bilər.
• Hesabın təhlükəsizliyinə görə istifadəçi məsuliyyət daşıyır.

3. Sifariş və Çatdırılma

• Sifarişlər yalnız tətbiqdə mövcud olan ərazilərə çatdırılır.
• Çatdırılma müddəti və vaxtı seçilmiş zonadan asılı olaraq dəyişə bilər.
• İstifadəçi ünvanı düzgün qeyd etməlidir. Səhv ünvan göstərildiyi halda, əlavə çatdırılma haqqı tələb oluna bilər.
• Müştəri telefonla zəng edərək sifariş yaxud çatdırılma vaxtı haqqında məlumat alarkən qeyri-etik sözlərdən istifadə edərsə, şirkət sifarişi ləğv edərək, ödənişi geri verir və bu müştəriyə xidmət göstərməkdən imtina etmək hüququnu özündə saxlayır.
• Hər hansı bir səbəbdən ünvana çatdırılma mümkün olmadıqda, bu barədə müştəriyə məlumat verilir.
• Çətin keçid şəraiti olan yollarla səbəbi ilə, yaxud şəhər mərkəzində istər hər hansı bir tədbir istərsə də yük maşınlarının dayanma-durma cərimələrinin sərt tətbiq olunduğu yerlərə çatdırılma mümkün olmadıqda sifariş ləğv oluna bilər. Bu halda müştəriyə məlumat verilir və ödəniş geri verilir.

4. Ödənişlər

• Bütün qiymətlər AZN ilə göstərilir və bu qiymətlərə ƏDV daxildir.
• Ödəniş onlayn şəkildə tətbiq daxilində, nağd şəkildə isə ünvanda AZN pul əskinasları ilə yaxud posterminal aparatı vasitəsilə aparılır.
• Onlayn şəkildə aparılan ödənişlər Mərkəzi Bankda qeydiyyatdan keçmiş araçı maliyyə şirkəti tərəfindən təhlükəsiz bir şəkildə sizin kart hesabınızdan bizim hesaba transfer olunur
• Müştərinin card-to-card formasında, başqa valyuta ilə yaxud hər hansı bir digər əvəzləşdirmə üsulu ilə ödəniş qəbul olunmasını tələb etməsi qanuna ziddir.
• Geri ödəniş yalnız məhsul çatdırılmadıqda, qüsurlu məhsul çatdırıldığı halda, yaxud təmsilçi məhsulun yanından ayrılmadan müştəri məhsulu götürməkdən imtina etdiyi zaman mümkündür. Sonuncu halda, şirkət müştəridən çatdırılma haqqını tələb edə bilər. Məhsulun qüsurlu olması yerində təmsilçiyə, yaxud mümkün olan ən tez zamanda müştəri xidmətləri ilə əlaqə saxlanılaraq bildirilməlidir. Qüsurlu məhsulun bir neçə rakursdan şəkli tələb oluna bilər. Qüsurlu məhsulu olduğu kimi saxlayıb, təmsilçi tərəfindən geri götürülməsinə şərait yaradılması tələb oluna bilər.
• Geri ödənişlər 10 iş günü ərzində icra olunur və hər bankın özünün təyin etdiyi müddət ərzində hesaba daxil olur. Bu müddətə şirkətin müdaxiləsi mümkün olmadığı üçün bu hallarda heç bir məsuliyyət daşımır.

5. İstifadə Qaydaları

• Tətbiqdən yalnız qanuni məqsədlərlə istifadə edilə bilər.
• İstifadəçi tətbiqə və ya digər istifadəçilərə zərər verə biləcək fəaliyyətlərdən çəkinməlidir.

6. Məxfilik

• İstifadəçinin şəxsi məlumatları gizli saxlanılır və yalnız sifarişin yerinə yetirilməsi üçün istifadə olunur.
• Daha ətraflı məlumat üçün məxfilik siyasətimizi oxuyun.

7. Dəyişikliklər

• Biz bu istifadəçi şərtlərini istənilən vaxt yeniləyə bilərik.
• Yenilənmiş şərtlər tətbiqdə dərc olunduğu andan etibarən qüvvəyə minir.

8. Fors-major (Fövqəladə Hallar)

Sirab tətbiqi aşağıda qeyd olunan hallarda xidmətdə yaranan gecikmə, yerinə yetirilmə və ya xidmətin tamamilə dayandırılmasına görə məsuliyyət daşımır:

• Təbii fəlakətlər (zəlzələ, sel, tufan və s.)
• Müharibə, üsyan, iğtişaşlar
• Dövlət qərarları və hüquqi məhdudiyyətlər
• Yanğın, partlayış, epidemiya və ya pandemiya
• İnfrastruktur problemləri (elektrik, internet, logistika və s.)
• Ödəniş sistemində yaranan Respublika səviyyəli problemlər (Bankların və banklara bağlı təşkilatların ödəmə sistemlərində yaranan problemlər)

Bu hallarda xidmətin bərpası üçün şirkət bütün ağlabatan səyləri göstərəcək, lakin istifadəçi bu vəziyyətlərdə hər hansı kompensasiya tələb edə bilməz.